Pieter Hendrik Wessels

Baie geluk aan Carel en Ilse met hul eersteling!

Pieter Hendrik Wessels is op 5 November 2007 gebore. Hy is 'n bulletjie (hoe nou anders met Pof se gene...), weeg 4.11kg en is 52cm lank.

Henko het ook net betyds gekom met Os wat nou uitgetree het. Pof, jul moet hom begin skaaptjops en pap voer!



Fotos te danke aan Medi-Clinic Bloemfontein.

Louis aan die woord...

Hallo almal

Eerstens wil ek vir Siewert baie dankie se vir die moeite wat hy gedoen het met hierdie oulike website van ons. Ek het “Matrieks 96” gegoogle en wat heel eerste en groot verskyn is “Hoerskool Steynsrus Matrieks 96”. Baie dankie, Siewert.

Dan vir almal wat n aandeel gehad het met die reelings van ons reunie naweek. Ek dink veral aan Siewert, Cecile, Poffie en Esma. Baie, baie dankie! Dit was die beste naweek ooit. Kyk ek het verwag dat dit 'n lekker naweek en party gaan wees en dit was 10 keer lekkerder gewees. Als het glad verloop en die kos en slaap plek was fantasties!

Om 'n paar woorde te se oor die mense by die reunie: Kyk ons gaan nie vir mekaar lieg nie, Pof het sy kamermaat op varsity ingesluk en Herman, Hennie, Chris en Berno se hare is weg soos my matriek sertifikaat. Maar julle lyk pragtig!

Dit was baie nice gewees om almal of amper almal weer te sien, en na die naweek het ek besef dat almal nog dieselfde is as 10 jaar terug.

Ek wil aansluit by Siewert dat ons moet kontak hou en dalk moet ons nie 10 jaar wag voor die volgende reunie.

Siewert, dankie vir die fotos. Nou het ons 20 klas fotos en 20 fotos van Mariette. Mariette, bly om te sien die boyfriend is darem blank.

Baie geseende Kersfees en mag julle net voorspoed ervaar in 2007!

Louis
lvskoch@hotmail.com

Brief van Mariette

Hallo Almal!

Ek is baie bly om te hoor dat julle lekker reunie gehou het (eintlik het ek gewens dat julle nie lekker kuier nie, dan was ek nie so spyt dat ek nie daar kon wees nie!!) Ek sou graag die "skinny dip" sessie wou beskou!

Soos julle almal seker weet, ek is nog steeds in London en het al lankal my kaartjie huistoe bespreek vir Kersfees. Ek het vir Siewert gevra om 'n sponsorship te begin vir my kaartjie om die reunie by te woon, maar lyk my hy wou my daar gehad nie anders sou hy dit gedoen het!

Ek werk as 'n nanny vir 'n familie hierso en is al 3 en 'n half jaar by dieselfde familie. Ek pas 4 kinders op, hulle is nou 1, 4, 8 en 10 jaar oud. Baie oulike kinders en ek geniet dit baie.

Ek het ook fotos van my en 'n paar van my en my boyfriend vir Siewert gemail om op te sit vir in geval julle al vergeet het hoe ek lyk. Dit was vir my baie lekker om na al die fotos te kyk van toeka se dae en die van die reunie.

Tot later!

Mariette

Louis haak die knoop deur!

Wie sou nou ooit kon dink dat Louis voor die kansel sal beland!? Louis en Elsabe is op 25 November 2006 getroud. Baie geluk julle!

Reunie 17 - 19 Nov 2006

Wat 'n ongelooflike naweek was die 17-19 November 2006 nie!! Baie dankie vir almal wat deel was om ons reunie naweek so 'n sukses te maak.

Vandat ons Vrydagmiddag daar aangekom het, (almal gelukkig veilig, al moes sommige mense teen 10km/h om 'n spesifieke draai!) het die 10 jaar weggeval en is daar heerlik gekuier. Gevoel of ons mekaar net ‘n week laas gesien het. En almal is maar presies dieselfde. Hier en daar ‘n groter pens en bietjie minder hare, maar dis maar die tekens van die tyd.

Om 'n vuurtjie het ons weer die goed beleef wat die 12 jaar op skool so merkwaardig gemaak het… Van Dolf wat ons vertel het hoe jy 'n springhaas jaag as dit skielik pikdonker om jou is. (Om dan nie te praat van die draad wat baie nader is as wat hy gedink het nie!!) Hennie, Berno en Herman het ons vermaak met hulle houtwerk-praatjies en Pof en Louis sal nie die pakslae vergeet wat "Juf Ilse" hul laat kry het nadat 'n sekere reptiel sy kop met 'n liniaal verloor het nie!!

Saterdagoggend is in 'n oogwink verby tussen foto's kyk en 'n heerlike 'brunch'. As daar nou een ding is van die naweek wat nie kan verbeter was dit die kos! Pof, dit was net vir jou… En toe verbaas Cecile en Esma ons! Wie sou nou kon dink hul eerste in die rivier om te “skinny dip”??? En dan nooi hul nog die ouens uit met gewaagde fotos… Hoe kan mens dit nou weerstaan? Daarna was dit net als regkry om die rugby (waaroor mens nie eintlik praat nie) op die dorp te gaan kyk en die aand het ons vleis gebraai en die kuier voortgesit. Herman moes terug plaas toe en het ongelukkig teenspoed gehad toe sy motor op 'n onverklaarbare wyse in die lug gestaan het - verder was daar geen ongelukke om te rapporteer nie!!

Om die naweek af te sluit, het ons saam die erediens bygewoon en daarna by die skoolsaal 'n koppie tee gaan drink en mekaar gegroet… tot die volgende keer!!

Reunie fotos

Hier is die fotos nou uiteindelik! Wat 'n naweek!

Reëlings van ons 10 jaar reunie

Hallo almal!

Dit raak nou al amper tyd vir ons 10 jaar reunie! Ons gaan ons reunie hou die naweek van die 18de November 2006. Hier is die planne en reelings sover:

Ons gaan die reunie hou by Waterval Gaste Plaas, oom Sakkie en tannie Judy Botha se plaas by die rivier. Daar is lekker geriewe met ronddawels en kamplek. Pof beplan om sy karavaan al die week voor die reunie daar te gaan opslaan! Ons het die plek vir die hele naweek geboek. So die wat Vrydag al daar wil kom slaap is welkom. Soos ek sê, Pof sal jul daar inwag met 'n drankie in die hand!

Kostes is soos volg:

Akkommodasie - R50 per persoon per nag
Tannie Judy sorg vir brunch Saterdag oggend en bykosse vir die aand se braai.
Brunch - R50 per persoon
Bykosse vir aand - R30 per persoon

Ons sal vir vleis sorg. Jul moet net jul eie drinkgoed voorsien.

Sondag oggend gaan ons sommer koffie en beskuit eet.

Metgeselle, mans, vrouens en kinders is welkom. Let wel, geen onderwysers word die Saterdag al toegelaat nie!!!

Wat ons beplan vir die naweek? Absoluut niks! Ons gaan lekker saam met mekaar kuier, opvang en hoor wat almal aangevang het na skool. Sondagoggend gaan ons saam kerk toe en daarna drink ons bietjie tee saam met die onderwysers. En die belangrikste van als...

DAARNA MOET ONS NIE KONTAK VERLOOR NIE!

Ons sal bly wees as jul asseblief die eerste week in Oktober vir ons kan laat weet of jul kom en hoeveel aande jul daar gaan slaap. Ons moet teen middel Oktober vir tannie Judy laat weet hoeveel mense kom.

Laat weet asseblief as jul enige vrae of voorstelle het en ook as daar enige probleme is. Ons sal ons bes probeer om ALMAL te akkomodeer.

Sien een van die dae...

Siewert en Cecile